കറുകകള്‍

ഇനിയൊരു ജന്മം(ഉണ്ടെങ്കില്‍) എനിക്കൊരു പക്ഷിയായി ജനിക്കണം ഏതെങ്കിലും ഒരുപക്ഷിയായല്ല ഒരു 'കാക്ക'യായി!! ഒരു സാധാരണ കാവതികാക്ക!!!പെട്ടന്നൊരു നിമിഷമുണ്ടായൊന്നല്ല ഇങ്ങനൊരു തോന്നല്‍ , എപ്പോഴൊക്കെയോ എന്നിലേയ്ക്ക് എന്‍റെ ചിന്തകളിലേയ്ക്ക്‌ വന്നു ചേര്‍ന്നൊരു മോഹം ,വര്‍ണ്ണങ്ങളുടെ മനോഹാരിതയോ , ശബ്ദസൌകുമാര്യമോ അവിടെ യി ല്ലായിരിക്കാം-അവയല്ലല്ലോ ജീവിതം !! ഒരു വിളിപ്പാടകലെ സുഹൃത്തുക്കള്‍ഉണ്ടാകും ......അവര്‍ക്കിടയില്‍ നിയതമായ വേലിക്കെട്ടുകള്‍ ഉണ്ടാവില്ല;ഒരു നാമം പോലും ഭൂമിയി ല്‍ ശേഷിപ്പിക്കാതെ എനിക്ക്മടങ്ങാം, പ്രസ്തുത ജീവവംശത്തിലെ എല്ലാ അംഗങ്ങള്‍ക്കും ഒരേ പേര്,സ്ഥാനം ഒരേ രൂപവുംഭാവവും,പ റ ന്നകന്നവര്‍ക്കും പറക്കുന്നവര്‍ക്കും പറക്കാന്‍ ശ്രമിക്കുന്നവരുമെല്ലാം ഇതില്‍പെടുന്നു!!   ആ മടക്കയാത്രയില്‍ പോലും നഷ്ട്ടങ്ങളുംനേട്ടങ്ങളും ചികയാന്‍ അവിടെയാരും ഉണ്ടാകില്ല.പറന്നുനടക്കുന്നതായും ജീവന്‍വെടിഞ്ഞുകിടക്കുന്നതായും കണ്ടിട്ടുള്ള കാക്കകളുടെ എണ്ണത്തിന്റെ താരതമ്യത്തില്‍ എനിക്കുകിട്ടിയ വലിയ ശിഷ്ട്ടത്തിലേയ്ക്ക്‌ ആയിരിക്കട്ടെ ആ ജന്മവും ചേര്‍ക്കപെടുന്നത് !!.നഷ്ട്ടങ്ങളുടെ കണക്കുകള്‍ നിമിഷങ്ങളുടെ ആയുസില...

17-04-2012, Elackad. ഓരോ പ്രഭാതതിനും ഓരോരോ മുഖങ്ങളാണ്' അല്ലെ?അങ്ങനെ തോന്നിയിട്ടുണ്ടോ?ചിലപ്പോള്‍ ഇതിനു വിപരീതമായും എനിക്ക് തോന്നിയിട്ടുണ്ട് ...ഹ ഹ '.പ്രഭാതമെന്നാല്‍ ഉറക്കത്തെ ഭ്രാന്തമായി സ്നേഹിച്ച ഒരു മടിച്ചിപാറുവിന്റെലോകം,മുല്ലപൂവിന്‍റയും മാമ്പഴതിന്റെയും ഓര്‍മകളില്‍ ഉത്സാഹത്തോടെ ചാടിയെണിറ്റിരുന്ന വേനല്‍പുലരികള്‍ , തിരക്കുകള്‍ക്കിടയില്‍ ഓടിമറഞ്ഞ കുറെയേറെ പ്രഭാതങ്ങള്‍,ആവര്‍ത്തനവിരസമായി ആഗ്രഹിക്കാതെ കടന്നുവന്നവ - എണ്ണി തിട്ടപെടുത്താനാവത്തവയും !!! പ്രഭാതം ഒരു കാഴ്ചയാണ് അത് കാണുക ,അറിയുക, ആസ്വദിക്കുക '' എന്ന് ഒരു അധ്യാപകന്‍ പറഞ്ഞതോര്‍ക്കുന്നു ... അന്ന് ക്ലാസ്സിലെ വില്ലന്‍ പയ്യന്‍ പറഞ്ഞത് "അങ്ങനൊരു സാധനം ഞാന്‍ കണ്ടിട്ടേയില്ല"എന്നായിരുന്നു!! പ്രഭാതങ്ങളുടെ പ്രാരാബ്ധങ്ങള്‍ ,നഷ്ട്ടങ്ങള്‍ ഇവയൊക്കെ ഒരുപാട് കേട്ടിട്ടുണ്ട് , കുറെ നാളുകളായി എന്‍റെ പ്രഭാതങ്ങള്‍ ശാന്തമാണ് ,അതിലും കുറച്ചടുത്ത് വന്നാല്‍ ...അവ സുന്ദരങ്ങളാണ് എന്നും തോന്നുന്നു .....                       ...

പതിവുപോലെ "വിഷു"... കണി ,കൈനീട്ടം, സദ്യ,ബന്ധുക്കള്‍,പടക്കങ്ങള്‍ പൊട്ടിച്ചിതറുന്ന ശബ്ദങ്ങള്‍ ,പലരൂപങ്ങളില്‍  ഒളിച്ചിരുന്ന അഗ്നിനാമ്പുകള്‍ ,കേട്ടുപഴകിയ വാചകങ്ങള്‍ -"പണ്ടത്തെ വിഷുവാണ് വിഷു...എന്നൊക്കെ എന്ത് ?!!" ഇവയ്ക്കിടയില്‍ പുതുമയില്ലായിരുന്നോ എന്ന് ചോദിച്ചാല്‍ ...ഉണ്ടായിരുന്നു!!ഓരോ നിമിഷത്തിലും ആ പുതുമ കു‌ടെ ഉണ്ടായിരുന്നു എന്നതും വാസ്തവം!! ആ പകലിനെയും പതിപോലെതന്നെ കന്മാനില്ലാതായി !!സ്വാഭാവികമായും ചില നല്ല ചിന്തകളുടെ തീരത്തുതന്നെ മയങ്ങാം എന്ന  എന്‍റെ  ചിന്തയെ നിര്‍ദയമായി ചീന്തിയെറിഞ്ഞു കൊണ്ടൊരു ശബ്ദം !! അത് തീരെ വ്യക്തമല്ലായിരുന്നു!!എന്‍റെ നായ - കണ്ണന്‍ ,വല്ലാതെ ബഹളമുണ്ടാക്കി കുരയ്ക്കുന്നു!!അമ്മ വാതില്‍ തുറക്കുന്ന ശബ്ദം , ഞാനും വാതില്‍ തുറന്നിരങ്ങുകതന്നെചെയ്തു ....,എന്തെങ്കിലും പക്ഷി /പൂച്ച /കാട്ടുമാക്കാന്‍????????!! ഊഹങ്ങള്‍ പലത്- ഉത്തരങ്ങള്‍ ശൂന്യം!! ഇല്ല... ഒന്നും കാണുന്നില്ല,ശബ്ദവും ഇല്ല ...വാതിലുകള്‍ വീണ്ടുമടഞ്ഞു !! എങ്കിലും ഒരു അസ്വസ്തത !! സംവിധായകന്‍ സുഹൃത്തിന്റെ കോള്‍- പുതിയകഥ ...സുഹൃത്ത്‌ വാചാലനായി,അതിലും തൊട്ടുമുന്നില്‍ തന്നെ എന്‍റെ വാചകമടി ,കഥ സഞ്ചരി...